बाबुको हत्या गरेको आरोपमा छोरा पक्राउ परेका छन् ।

बाराको जितपुरसिमरा उपमाहनगरपालिका–१६, टांगिया बस्तिमा घरायासी विवाद हुदा छोराले बाबुको हत्या गरेको आरोप सम्बन्धमा छानबिन गर्न प्रहरीले ६० वर्षीय छोरालाई पक्राउ गरेको हो ।

शुक्रबार दिउसो करिब १२:४५ बजेतिर छोराले रिसको आबेगमा ९० वर्षीय माईत सिं घलानको हत्या भएको ईलाका प्रहरी कार्यालय निजगढका प्रमुख तथा प्रहरी निरिक्षक घनश्याम श्रेष्ठले जानकारी दिए ।

घटना लगत्तै स्थानीय बासिन्दाले खबर गरेपछि घटनाको ईलाका प्रहरी कार्यालय निजगढका प्रहरी टोलीले अनुसन्धान थालेको छ । घटनामा संलग्न ६० वर्षीय छोरा दिल बहादुर घलानलाई नियन्त्रणमा लिएर अनुसन्धान सुरु गरेको प्रहरी निरिक्षक श्रेष्ठको भनाइ छ ।