बारा । बारा जिल्लाको निजगढ नगरपालिकाले सुर्तीजन्य पदार्थको नियमन तथा नियन्त्रण गर्नका लागि १० बुँदे प्रतिबद्धता जारी गरेको छ ।
स्वास्थ्य तथा जनसंख्या मन्त्रालय राष्ट्रिय स्वास्थ्य शिक्षा, सूचना तथा सञ्चार केन्द्रको आयोजनामा निजगढ नगरपालिकाका जनप्रतिनिधि, सरोकारवाला निकायहरु तथा पत्रकारहरुको अन्तरक्रियात्मक कार्यक्रममा नगरपालिकाले १० बुँदे प्रतिबद्धता जारी गरेको हो ।
सरोकारवाला तथा साझेदार निकायसँग समन्वय गर्दै सुर्तीजन्य पदार्थ नियन्त्रण तथा नियमनका लागि व्यापकरुपमा अभियान सञ्चालन गर्ने, नगरभित्रका सम्पूर्ण जनप्रतिनिधिहरु तथा कर्मचारीले सुर्तीजन्य पदार्थको सेवन छोड्ने प्रतिज्ञा गरिएको नगर प्रमुख सुरोश कुमार खनालले बताए ।
सुर्तिजन्य पदार्थ नियन्त्रण गर्न पत्रकारसंग अन्र्तक्रिया
स्वास्थ्य तथा जनसंख्या मन्त्रालय राष्ट्रिय स्वास्थ्य शिक्षा, सूचना तथा सञ्चार केन्द्रले पत्रकारसंग सुर्तीजन्य पदार्थ नियनत्तण सम्बन्धी अन्र्तक्रिया गरेको छ । सुर्ती जन्य पदार्थ नियन्त्रण गर्न पत्रकारको भुमिका कस्तो हुनेलगायत सुर्ती जन्य पदार्थ नियन्त्रणका लागी ऐन, नियमका बारेमा जानकारी दिने उद्देश्यले बारा निजगढका पत्रकारसंग अन्र्तक्रियाको आयोजना गरेको हो ।
कार्यक्रममा नगरप्रमुख खनालले सुर्तीजन्य पदार्थ नियन्त्रणका लागी आवश्यक कानुनी ऐनलाई संसोधन गर्दै पालिकालाई सुर्तिजन्य पदार्थ रहित बनाउनका लागी नगरपालिका प्रतिवद्ध रहेको र सुर्तीजन्य पदार्थको प्रयोगले मानिसको स्वास्थ्य, आर्थिक, सामाजिक पक्षमा समेत असर गरिरहेको भन्दै नगरपालिकाले ऐन बनाएर नागरिकलाई नैतिक रुपमा सचेत बनाउने र विस्तारै विस्तारै यसलाई नियन्त्रण गर्ने बताए ।
कार्यक्रममा अग्रज पत्रकार गोकुल घोरसाईने, फोटो पत्रकार महासंघका कोन्द्रय सदस्य जितलाल श्रेष्ठ, गरु गैतम, पत्रकार महासंघका बारा कार्यसमिति सदस्य तथा प्रस चैतारी बाराका सहसचिब इन्दिप कोईराला, प्रस चैतारी बाराका कोषादस्य थानोसोर सापकोटा, पत्रकार प्रलाद शर्मा, प्रभात तिमल्सीना, बसन्त लामा लगाएतको सहभागी रहेको थियो ।
पत्रकार कोइरालाले कानुनी रुपमा सुर्तीजन्य पदार्थ न्युनिकरणका लागी धेरै व्यवस्था भएपनि कार्यान्वयन पक्ष फितलो भएको प्रति ध्यानार्कषण गराए ।
निजगढ नगरपालिकाद्वारा सुर्तीजन्य पदार्थ नियन्त्रण गर्न दश बुँदे प्रतिबद्धता
यसैबीच निजगढ नगरपालिकाले सुर्तीजन्य पदार्थ नियन्त्रण तथा नियमनका लागी विभिन्न प्रतिवद्धताहरु गरेको छ । स्वास्थ्य तथा जनसंख्या मन्त्रालय राष्ट्रिय स्वास्थ्य शिक्षा, सूचना तथा सञ्चार केन्द्रका निदेशक शुनिल राज शर्मा र नगरप्रमुख खनालद्धारा हस्ताक्षरित प्रतिवद्धताहरुमा सरोकारवाला तथा साझेदार निकायसंग समन्वय गरी यसको नियन्त्रणका लागी व्यापक अभियान सञ्चालन गर्ने, निजगढ नगरपालिकाका जनप्रतिनिधि तथा सम्पुर्ण कर्मचारीहरुले आजैबाट सुर्तिजन्य पदार्थ सेवन छाड्ने प्रतिज्ञा समेत गरेका छन् ।
पालिकामा तथा सार्वजानिक संस्थाहरुमा सुर्तिजन्य पदार्थ निषेध गर्ने, ईजाजत पत्र लिएर मात्र सुर्तीजन्य पदार्थ विक्रि वितरण गर्न पाउने, प्रयोगकर्ताहरुलाई लत छुटाउन स्वास्थ्य कर्मीलाई तालिम दिएर परिचालन गर्ने, यसको नियन्त्रण तथा नियमनका लागी अध्ययन तथा अनुसन्धान गर्ने, जनस्वास्थ्य ऐन २०७८अनुसार सुर्तिजन्य पदार्थ नियन्त्रण तथा नियमनका लागी रणनिति तयार गर्ने, निरन्तर अनुगमन गर्ने, नगरपालिकालाई क्रमश सुर्तीजन्य पदार्थ रहित पालिका घोषणा गर्ने उक्त प्रतिवद्धता पत्रमा उल्लेख छ ।
