नेपालमा पछिल्लो २४ घण्टामा थप ९ सय ११ जनामा कोरोना संक्रमण पुष्टि भएको छ । यस्तै पछिल्लो २४ घण्टामा देशभर १३ जना कोरोना संक्रमितको मृत्यु भएको छ । यससँगै हालसम्म मृत्यु हुनेको संख्या १० हजार ९ सय ४९ पुगेको छ । आइतबार १ हजार ४२३ कोरोना संक्रमणमुक्त भएका छन् ।
देशभर २६ हजार ७५७ सक्रिय संक्रमित रहेका छन् । गत चौबीस घन्टामा ७ हजार ८ सय ७८ पीसीआर तथा ३ हजार १ सय ४० एन्टिजेन परीक्षण भएको स्वास्थ्य तथा जनसंखया मन्त्रालयले जनाएको छ ।
